13. PRAZA DE RAFAEL DIESTE

Unha praza familiar

Nesta praza residían varios parentes do escritor, incluída a súa madriña, Pilar Castelao, co seu marido. Á súa casa acudía a miúdo Castelao de neno para pasar o tempo, evidenciando unha boa relación entre eles.

Preto deles vivía outra parente do autor: Concepción Castelao, co seu marido e o seu fillo Mariano Otero Castelao. Este último foi un dos fundadores do Partido Galeguista de Rianxo e concelleiro da Fronte Popular.

A mediados de 1900, unha vez retornados da emigración, Castelao e a súa familia establecéronse nunha casa desta praza, onde viviron até 1904.

É interesante engadir que, segundo Teresa (a irmá de Castelao), os seus antepasados paternos levantaron o cruceiro que aínda permanece no centro da praza.

Outros puntos do roteiro

«Unha lingua é máis que unha obra de arte; é matriz inesgotable de obras de arte».

«Sempre en Galiza», 1944.  Editorial Galaxia.

Fotografía e vídeo: Alumnado Obradoiro Carnero Valenzuela II e Concello de Rianxo.

Deseño: Alumnado Obradoiro Carnero Valenzuela II.

2021

Licenza Creative Commons

Esta obra ten unha licenza Creative Commons

Atribución-Non comercial-Compartir igual 3.0 España
Ir al contenido