08. RESTAURANTE FELICIANO

A traxedia dos irmáns Insua

Este emblemático restaurante abriu as súas portas por primeira vez en 1946 e continúa no negocio na actualidade. Destaca por ser o primeiro lugar de Galiza onde se puido escoitar a célebre A Rianxeira.

Esta canción, que orixinalmente se chamaba “Ondiñas da nosa ría”, foi composta polos rianxeiros Romero e Pinciñas para recibir a Castelao na Arxentina. Posteriormente o Centro Galego de Bos Aires enviou unha copia do disco orixinal ao bar Feliciano, onde o seu dono, Feliciano Rial, colocou un tocadiscos no balcón para que puidese escoitarse desde a rúa. Así, este local tivo un papel moi importante na promoción deste segundo himno galego.

Esta casa ten o valor engadido de ser a última residencia dos curmáns de Castelao, os irmáns Insua: Xosé Losada Castelao e Manuel Rodríguez Castelao, ata consumarse a traxedia da Guerra Civil.

Primeira versión da Rianxeira (Ondiñas da nosa ría) gravada polo Coro Castelao.

Outros puntos do roteiro

«Non hai máis solución que o do federalismo para chegar á paz do mundo».

«Sempre en Galiza», 1944.  Editorial Galaxia.

Fotografía e vídeo: Alumnado Obradoiro Carnero Valenzuela II e Concello de Rianxo.

Deseño: Alumnado Obradoiro Carnero Valenzuela II.

2021

Licenza Creative Commons

Esta obra ten unha licenza Creative Commons

Atribución-Non comercial-Compartir igual 3.0 España
Ir al contenido